MP-in rél chawlhhmun tur a tlawh

Rajya Sabha MP K Vanlalvena chu Parliament session zawh taka a tel hnuah nimin khan a rawn haw a, MNF Gen. Hqts-a secretary-te'n Lengpui Airport-ah an lo hmuak. MP hian Sairanga rel chawlhhmun tur siam mek a tlawh nghal.

Rêl chawlhhmun tur a tlawhnaah K Vanlalvena chuan, Parliament session-ah rel kawng chungchang vawi li a lo thlen tawh thu a sawi a, "He lai rail station hi engtikah nge zawh a ni ang tihte kan lo ngaihven em avangin parliament session-ah ka sawi chhuak a, engtikah nge zawh a ni ang tihte kan lo zawt fo tawh," a ti.

Northeast Frontier Railways deputy chief engineer Harjimal Meena chuan, July 2025-ah rel kawng peih a nih tur thu a sawi niin MNF thuchhuah chuan an tarlang.