Lunglei buaina a vanduaithlak - Chief Minister

Chief minister Lal Thanhawla chuan, Lunglei District Court beih a ni leh magistrate quarters suasam a ni chu vanduaithlak a tih thu a sawi a, "India ram pumah a zahthlak a ni," a ti.

Nimina Vanapa Hall-a thu a sawinaah Chief Minister chuan Lungleia thil thleng chungchang sawiin, "He thil thlen vang hian tumah indêusawh chi a ni lo. Engtin nge kan siamṭhat ang tih ngaihtuah a ngai. Misual tlemte thil tih vanga Zohnuai khawtlang ti khawpa zaka siamtute hi kan dem a ngai," a ti.

Lal Thanhawla chuan, thil thleng vang hian tu tan mah thang-
ṭhat lâk tum chi a ni lo tih sawiin, "Zohnuai mipuite leh misual an mante hi kan ṭawngṭaisak zawk tur a ni," a ti a; miin harsatna an tawh, tute emaw dêusawhna atana hman chu a Mizo lo tih a sawi.