Mihringa sumdawnna leh ruihhlo chungchang inzirtirna tur ṭan a ni

Mizoram Ṭhalai Kristian Pawl (MṬKP) leh Social Welfare department (SWD) ṭangkawp chuan, Ningani zan khan Ignite Studio-ah ‘Education on Human Trafficking and Drug Abuse’ an buatsaih tur khuhhawnna an hmang a, chief minister Lal Thanhawla'n a hmanpui.

Chief Minister chuan, mihringa sumdawnna leh ruihhlo hi Mizoram chang ni lo, khawvel hmun dang-ahte pawh mite buaipui leh thil ngaihven tak a nih thu a sawi a, "Heng thil ṭha lote hi Mizoramah chuan sorkar tan mai do chi a ni lo. Sorkar, kohhran leh tlawmngai pawlte ṭang ruala mipuite zirtir a, a dona kawnga theihtawp chhuah tlân a, uar tak nasa leh zawk kan do tlan a ngai," a ti.

Mihringa sumdawna chu Mizoramin a hriat na a la rei lo tih sawiin CM Hawla chuan, "Phai lama ṭhalai hnathawk tura la ṭhinte lakah kan fimkhur a ngai hle," a ti a; Mizoram Youth Commission-in phai lamah hna thawk tur a buaipui hnuah inbumchhuahna a kiam nia a sawi rualin, fimkhur zel a ngaih thu a sawi.

Inkhawm hi MṬKP organiser Rev. Lianchung-nunga'n a kaihruai a, human trafficking chung-changah talk show neih zui a ni.