Bengaluru-ah Vângpui Kût hmang

Bengalore Mizo Association chuan Inrinni khan Vângpui Kût an hmang a, an hun hmanpuitu, Tourism minister John Ro-tluangliana chuan, inpumkhatna atan kût hmang zel turin a chah.

Tourism Minister chuan, Vângpui Kût chu hmun dangah hman a ni lem lo tih sawiin, "Bengaluru-ah kan Mizo unaute'n in hmang ṭhin hi a lawmawm hle. He kût hi Bangalore-a Mizo awmte'n inpumkhatna atan in lo hman zel ka duh sak tak zet che u a ni," a ti.

Bengaluru-a Mizote chu Kar--nataka-a Mizo hnam ai-awhtu an nih thu sawiin John Rotluangliana chuan, "In pawimawh em em a, kan ram leh hnam innghahna in ni a, in zirnaah ṭhahnemngai takin zir ang che u” a ti a; Mizoramah chauh hna thawh tum lo tur leh India ram leh ram dang thlenga inzár pharh turin a chah.

Vângpui Kûtah hian Bangalore Mizo Association hnuaia section pali - Rokunga, Lalsangzuali Sailo, Vankhama leh PS Chawngthu section-te chu infiamna chi hrang hrang hmangin an inel a, tlaiah kût ruai an ṭheh a ni.