Central-a tlatlum loah sorkar puh

ZNP ṭhalaite chuan, Sep-tember 22, 2016-a Lunglei District Court beih a nih vanga sorkarin Lunglei DC hlui Abhijit Vijay Chaudhari suspend tir a tum leh a tûk maia thu a sût leh chu sorkar laipuia an tlaktlum lohzia thup tumnaa an ngaih thu an puang.

ZNP ṭhalai president Lal-muanpuia Punte chuan Inrinni khan Aizawl Press Club-a thuthar thehdarhtute a kâwm a; Lunglei District Court beih leh magistrate quarters suasam chungchanga Mizoram sorkar leh MNF Party thil tih dan chu ṭha lo an tih thu a sawi a; Mizoram sorkarah dan leh thupek kenkawhna mumal a awm lo nia sawiin, Home Minister-in dan hrûla kal a sawi mawi vanga pawi kawihna chu thleng nia an ngaih thu a sawi.

Lalmuanpuia Punte chuan, thil thlen hnu ni linaa Lunglei Bawrhsap suspend turin rawt mah se, Home Ministry-in dan leh thupek kenkawh kawnga Mizoram sorkar inthlahdahzia a hriat avang leh sorkar laipuia IAS rualin an IAS pui Abhijit Vijay Chaudhari thlavang an hauh avangin Mizoram sorkar chuan a thu a sut niin a sawi a ni.

ZNP ṭhalai President chuan, Lungleia thil thleng chu politics-a hamṭhatna hmuh tum nana hman tumah MNF president Zoramthanga a puh bawk.