Ruihhlo Hal

Dawrpui, Zarkawt, Chhinga Veng, Electric Veng leh Zarkawt Branch YMA Joint Duty-te'n September 9 aṭanga ruihhlo an man Rs. 14,16,155 man hu chu Inrinni khan Dawrpui School kawtah Dawrpui local council chairman Roṭhuamliana'n a hal ral. YMA Joint Duty-te hian Aizawl khawpui laili leh sumdawnna hmunpuia ruihhlo hluar lutuk an thenfainaah hian heroin hàwng 5, cane 118, chhin sen 56 bakah ruihhlo dang tam tham tak leh rakzu engemawzat an man a ni. Ruihhlo kaihhnawihah hian mi 469 an manin, an zinga 45 chu home-ah dahin Police leh Excise kutah mi 9 an hlan a ni.