Chhandamna Kohhranin An din champha an lawm

Chhandamna Kohhran (Salvation Church of India) chuan, nimin khan an kum hnih tlin an lawm. 'Chhandamna Kohhran Ni' tia an vuah hi hlim takin lawm a, chawhma sunday school inkhawmah tualchhung biak-in tinah Pathian hnena lawmthu sawina inkhawm an hmang.

Area hrang hranga mite'n ṭanpui ngaite hnenah thilpek an hlan a; an hmunpuia president Upa H Lianzela leh general secretary Laltlanthanga te chuan tun hnaia Tlungvela leimin tuar chhungkuaa dam chhun Laldingpuia (11) hnenah September 30 khan Rs. 10,000 an hlan a; October 1 khan TNT-ah Rs. 20,000 an pek bakah, Mamita pa ṭha lo ei vanga thi Saikhuma Sailo te chhungkuaa dam awmchhun Miriami in sak nan Mamit YMA Sub-Hqrs kutah Rs. 10,000 an pe bawk.