Zomuantlanga tangkhangte tlawh

Mamit DC Dr Lalrozama, District Task Force on Covid-19 chairman chuan Pathianni khan Aizawl aṭanga Tripura khaw hrang hranga haw tum, ramri kân theih a nih loh vanga Zomuantlang khuaa tangkhangte a tlawh a, an harsatna chinfel dan tur a ngaihtuahpui.

Mamit Bawrhsap chuan Zomuantlanga tangkhang mi 15-te chu SSA sikula awm rih mai tura tiin, ei leh in chu anmahnia inbàwl chawp tur leh khawtlang hruaitute nen ṭang tlang turin a ti a; Zomuantlang khawtlang hruaitute'n an harsatna an sawi chu a theih ang anga ngaihtuah zel tum a nih thu a sawi.

Bawrhsap hian Mizoram leh Tripura inkalpawhna kawng Kawnpui gate khâr mek, 5th IR police-te'n an vên chu a tlawh nghal a, a ṭula hman atan silpaulin panga a pe.

Task force-te hnenah CM Relief Fund aṭangin Zomuantlang khaw tan Rs. 10,000, buhfai ip khat leh dailuah ip khat a pe a; Khantlang leh Thaidawr tan Rs. 10,000, Mualṭhuam tan Rs. 25,000 leh Kawrtethawveng tan Rs. 40,000 a hlân nghal bawk.