Lungleia buaina thleng thlirho Magisterial Inquiry zo fel tawh

Home secretary Renu Sharma hoin nimin khan Lunglei Circuit House conference hall-ah Lung-lei DC, Police, Law & Judicial department leh PWD hotute an ṭhukhawm a; September 22, 2016-a Lunglei District Court leh a chhehvela thil thleng chungchanga hmalakna an thlirhoin, Magisterial Inquiry tih zawh a nih tawh thu tarlan a ni.

Renu Sharma chuan, Lunglei district-ah dan leh hrai fel tak hnuaia nunphung pangngai taka a awm leh thei chu lawmawm a tih sawiin, "Magisterial Inquiry chu zawh a ni tawh a, report pawh thehluh thuai beisei a ni. Lunglei District Court leh judicial quarters-te police-te'n venhimna ṭha zawk an pe thei a, a lawmawm hle," a ti a; building tihchhiat thawm ṭhat kawnga PWD hmalakna fakawm a tih thu a sawi.

Home Secretary chuan, mimal bungraw tihchhiat awmte chu Lunglei DC kaihhruaina hnuaiah enfel a, a ṭul anga hmalak leh bawhzui ni se a duh thu a sawi bawk.

Meeting-ah hian, October 5, 2016-a Lungleia Gauhati High Court Chief Justice kal tur hmuah dan tur leh inpuahchah dan tur an sawiho nghal a ni.