Micro ATM keng kual dawn

Aizawl DC Kannan Gopinathan hmalaknain State Bank of India leh North Eastern Rural Live-lihood Project (NERLP) ṭangkawp chuan Aizawl khaw páwn lam, ATM awm hnaivai lohna khuate'n bank leh ATM-te pan ngai loa awlsam zawka pawisa an lak chhuah theih nan khaw hrang hranga SBI Micro ATM kenga kal kual tur nimin khan ruahmanna an siam.

Sorkar thuchhuah tar-lan danin, NERLP Ai-zawl District Project Management Unit hnuaia self help group (SHG) bank facilitator 15-te chuan an thawhna khuaa an kal kualna ṭheuhah SBI Micro ATM-te hi SBI aiawhin an keng ṭhin dawn a; bank facilitator pakhatin khaw panga/paruk vel a bial ang a, facililator 15 an awm avangin khaw 75 velin Micro-ATM hi an chhawr thei tura ngaih a ni.

Micro-ATM ah hian eng bank debit card pawh a hman theih dawn a; SBI card bikah chuan vawi khat lak chhuahah a tlem berah Rs. 7.50 emaw, pawisa lak chhuah zat atanga chhûta 1% zel charge a awm ve ang.