Thlaktu awm loa doctor sawn phal lo

Hnahthial khawtlang chuan, an khaw damdawi-ina medical officer Dr Lalrengpuii, a thlaktu tur dah si loa Tlabunga sawn a ni chu an duh loh thu an puang a; a thlaktu tur dah a nih hma chuan sawn chhuah an remtih loh thu an sawi.

Hnahthial damdawi-ina medical officer sawn chhuah chung-changah hian Hnahthial Group YMA kaih-hruainain Hnahthial khuaa tlawm-ngai pawl hragn hrang, Hnahthial MJA leh Hnahthial Town V/C Association-te chu October 2, 2016 khan Hnahthial Lungleng Branch YMA Hall-ah an ṭhukhawm a ni.

An ṭhutkhawmnaah hian resolution pass in, "Dr Lalrengpuii Ralte hi sub-district hospital, Hnahthial aṭanga sawn chhuah kan phal lo a, sawn a nih lohna turin theihtawpin hma kan la ang," an ti. Loh theih loha sawn a ngai a nih pawhin, a aiawhtu regular doctor ngei dah a nih hma chuan Dr. Lalrengpuii Ralte chu sawn chhuah an remtih loh thu leh, an sawn chhuak a nih pawhin, a aiawhtu tur dah a nih hma chuan chhuak lo tura hman an lak zel tur thu an tarlang bawk.