GST chungchang zirna buatsaih

National Academy of Customs, Excise & Nar-cotics (NACEN) leh Tax-ation department ṭang-kawp chuan nimin khan Assembly Annexe-ah ni nga awh tur, 'Goods & Services Tax (GST) Level-IV Training' an buatsaih a; Taxation minister Lalsawta'n a hmanpui.

Lalsawta chuan, Mizoramah GST hlawhtling taka hman a nih theih nan training buatsaih a ni chu lawmawm tih thu a sawi a, "GST hi zirchian a
ṭul hle a, India rama taxation reforms lian ber a ni. GST hian bungraw man a tihhniam bakah, kalphung langtlang tak a nih dawn avangin awlsam zawk leh chhiah pek pawh ṭha zawk tura beisei a ni," a ti.

GST hi a taka hman a nih theih nan inbuatsaihna pawh kalpui mek zel a ni a, Level-I Training (Source Trainers’ Training)-te, Level-II Training (Master Trainers’ Training) te, Level-III Training (Trainers’ Training)-te neih a ni tawh a; tunah hian Level-IV Training (Tax Officials’ Training) neih ṭan a ni.

Sorkar thuchhuah tarlan danin, India ram pumah chhiah lak dan kalphung thar, Goods & Services Tax chu April 1, 2017-ah hman ṭan tura ruahman a ni. GST hian bungraw man a tihhniam beisei a nih avangin thil siam chhuahte ram chhung leh ram páwna hralh chhuahnaah nasa takin a pui ang a, chu chuan ram hmasawnna a thlen ngei dawn niin mithiamte chuan an sawi a ni.