Sorkar laipui scheme hnathawh thlirho

Mamit District Development Coordination & Monitoring Committee chu nimin khan an chairman CL Ruala, Lok Sabha MP hoin Mamit DC conference hall-ah an
ṭhukhawm a; sorkar laipui scheme hrang hranga hmalak tawhna leh hmalak zel dan turte an sawiho.

Meeting-ah hian MGNREGS, PMAY(G), PMKSY, DDUGY, NSAP, SBM (G), NRDWP, 8. PMGSY, BADP, MDM, NHM, RMSA hmanga hmalak
tawhte leh hmalak zel dan tur an thlirho a ni.

Meeting-a tarlan danin, Mamit district-ah hian MGNREGS hnuaiah kum 2016-17 chhungin cheng nuai 226.973 hmangin inhlawhna siam a ni tawh a; IAY hnuaiah RD block pathum - Zawlnuam Block-ah in 21, West Phaileng Block-ah in 13 leh Reiek Block-ah in 12 sak zawh tawh a ni.

ICDS Project hnuaiah tar leh hmeithai leh pianphunga rualbanlo mi 2,412-te tanpuina pek mek an ni a; NRDWP hnuaiah district chhung khaw pathumah hmalakna tur duan fel tawh a ni. PMGSY hnuaiah Lengpui-Hmunpui panna kawng km. 10.50-a thui sial turah km. 3.853 sial a ni tawh bawk.