Chief Minister's Relief Fund Khawdang tan kian

Melbuk Village Task Force chuan Chief Minister's Relief Fund aṭanga ṭanpuina an dawn tur Rs. 10,000 chu mi dang (khaw dang) tan an kian.

Melbuk YMA president T Rochuangkima chuan Vanglaini palai zawhna chhángin, "CM Relief Fund aṭangin ṭanpuina pek tura ruahmanna an rawn siam hi lawmawm kan ti hle. Amaherawhchu, sum hi kan mamawh lo ni loin, keini chu khaw tê kan ni a, kan la khawsa thei nâw nâw a, mamawh zawk an awm ringin dawng loa khaw dang ken emaw, CM Relief Fund vêka pêk lêt ni se tia thutlukna siam a ni. Hei hi lungawi lohna lam ni loin, mi dang tana kan luan chhuah ve theihnaah kan ngai a ni," a ti.

Covid-19 laka invênna inkhârkhip kalpuinaah duty post pathum an siam a, khaw tawntirhah pahnih leh Ṭiau lui kamah pakhat an siam thu a sawi bawk. Melbuk khua leh Myanmar nena inrìna Ṭiau lui inkar hi km. 3 vel a ni.