Gas tihchingpen bûr 38 man

Central YMA hnuaia Kumpuan Committee member-te chuan tun hnai khan eirawngbawlna gas tihchingpen chângin Khamrang, Kawnpui leh a chhehvelah tlaivarin an duty a, gas tihchingpen búr 38 an man.

CYMA Kumpuan Committee hian tunlaiin gas tihchingpen a hluar tih an hriat vang te, mipuiin gas bûr an dawnte chu a zâng leh viau ta tih hriat a nih thute an dawn avangin gas tihchingpenna ṭhin hmunte an endik a ni.

CYMA Kumpuan Committee chairman Prof. Lalnuntluanga, CYMA vice president chuan, chhungkaw tin mamawh eirawngbawlna gas tihchingpen a la ni fo chu pawi an tih thu a sawi a; mipuiin gas tihchingpen loh chauh an dawn theih nan sorkar tha tihchak a ṭul thu leh sual donaah mipui ṭhanharh a ṭul thu a sawi bawk.