Gas man Rs 50 velin a pung

Food, Civil Supplies & Consumer Affairs department chuan Indian Oil Corporation-in eirawngbawlna gas (LPG) man a tihchhuah thar zûlzuiin gas man thar a bitliah thar a, April 1, 2025 khan hman ṭan a ni. Mipui nawlpui lak ṭhin domestic cylinder (kg 14.2) chu March 2025 thlaa a man aiin Rs 50-in a to zawk.

Supply department tarlan danin, Vairengte tih loh hmun dang zawngah domestic cylinder (kg. 14.2) man Rs 1,005 (March-ah Rs 955), commercial cylinder (kg. 19) man Rs 2,213.50 (March-ah Rs 2,257.50), XtraTej (kg. 19) man Rs 2,236 (March-ah Rs 2,280) leh composite (kg. 10) man Rs 723.50 (March-ah Rs 688) a ni.

Vairengteah chuan domestic cylinder Rs 996 (March-ah Rs 946), commercial cylinder Rs 2,197 (March-ah Rs 2,241.50), XtraTeJ Rs 2,219 (March-ah Rs 2,264) leh composite Rs 714 (March-ah Rs 679) a ni thung.