Aizawl daiah auto-rickshaw tlân ṭan

State Transport Authority (STA) thutlukna angin, Transport department chuan Aizawl khawpui daiféma mihring chuan nan auto-rickshaw permit 127 a tichhuak tawh a, hmun ṭhenkhatah chuan an tlan ṭan tawh. Two wheeler taxi permit pawh mi 67-in an la chhuak tawh.

Transport director R Rem-mawia'n Vanglaini palai zawhna chhanga a sawi danin, auto-rick-shaw hi Aizawl chhim lam, tlak lam, chhuah lam leh hmar lamahte Aizawl khawpui chhung tak taka lut loin service tir tum a ni.

Chhim lamah chuan Saikhama-kawn thleng, Hmar lamah Leitan thleng, chhak lamah Ṭhuampui thleng, tlak lamah Chhangurkawn (Luangmual) thleng tlantir tum a ni.

Auto-rickshaw hi nimin thleng khan permit 127 tihchhuah tawh a ni a, mi 96-in an la chhuak tawh. Durtlang leh Leitan velah chuan October 1, 2016 aṭang khan an service ṭan tawh a ni.

Hetih lai hian, STA thutlukna ang bawkin, Aizawlah two wheeler taxi tlantir tuma hmalak mek zel a ni a, an tlan ṭan hun tur tak erawh hriat a la ni lo. Nimin thleng khan two wheeler taxi permit 213 tihchhuah tawh niin, mi 67-in an la chhuak tawh.

Thu dawn danin, two wheeler taxi permit la chhuak tawh, tihfel ngai zawng zawng tifel tawhte chu Aizawl khawpui chhungah an tlân
ṭan thei tawh a; mahse, tun thlengin two wheeler taxi service erawh hmuh tur a la awm rih lo.

Two wheeler taxi atan hian kum hnih aia upa lo, a engine 125 cc aia hniam lo tur a ni a; a khalhtuin ISI mark chuang helmet eng (yellow), a hma lamah rawng sen (red)-a 'Taxi' tih inziak khum tur a ni. Two wheeler tawn tawnah 'Taxi' tih chiang taka ziah tur a ni bawk.

Two wheeler taxi mipa khalhin passenger mipa leh hmeichhia an la ve ve thei a, hmeichhe khalhah chuan passenger hmeichhia chauh an lak theih a ni thung.

Scooty leh scooter tih loh, two wheeler dangah chuan sari guard leh leg guard vuah vek tur a ni a, passenger-te khum tur helmet kawl reng tur a ni.