Serchhipah faina kawngzawh buatsaih

Serchhip District Level Cleanliness Committee huaihawtin, nimin khan Faina Hapta hman mek pualin Serchhip khawpuiah zirlaite'n kawng an zawh.

Kawngzawhah hian sikul panga aṭangin zirlai 150 vel an tel a, faina inzirtirna thuziakte kengin, Serchhip Tuikhuah Veng aṭanga AOC Veng kawng an zawh a; zirlaite chu an sikul ṭheuhah Faina Hapta chhungin faina pawimawhzia inzirtirna hun hmang tura chah an ni.

UDPA Sanitation officer Lalfak-awma Chhakchhuak chuan, faina beihpui thlaknaah zirlaite an pawimawh tih sawiin, "Ram fai leh thianghlim kan neih theih nan naupang aṭanga bul tan a ṭul a ni," a ti a; naupangte chu faina pawimawhzia tlangaupuitu leh mi dang-te tihhmuhtu nih tum turin a fuih.