Thuneihna ringawt buaipuiah puh

MPC party chuan thuchhuah siamin, NLUP chu ram hmasawnna tak tak thlentu ni lo, lalna leh thuneihna ringawt buaipui vanga kalpui nia an ngaih thu an tarlang.

MPC chuan, tun hnaiah CM Lal Thanhawla’n ei leh barah Mizoram a intodelh loh vanga ring lo mite hnena púr châwk a ngaih reng thu a sawi chungchangah, "Congress party-in kum 20 chuang sorkarna an chelh chhunga ram hmasawnna tak tak buaipui lo a, NLUP sum sem hmanga lalna leh thuneihna ringawt an buaipui vangah kan ngai," an ti.

Congress sorkar-in NLUP hmanga sum sem duh tawk loa sum sem policy bawk New Economic Development Policy (NEDP) an rua-hman leh chu ram hmasawnna hnukpui tling loa an ngaih thu sawiin, MPC chuan Congress sorkar chu lalna leh thuneihna chan theihna tur ringawt ngaihtuah-ah leh ram hmasawnna tak tak ngai pawimawh loah an puh a ni.