Gauhati High Court Chief Justice Ajit Singh Lungleiah

Gauhati High Court Chief Justice Ajit Singh chuan nimin khan Mizoram rawn tlawhin, nizan khan Lunglei a thleng. Ajit Singh hi Zohnuai mi ṭhenkhatin September 22, 2016-a Lunglei District Court leh magistrate quarters an beiha a hnuhmate enfiah tur leh tuna boruak dinhmun thlithlai tura rawn kal a ni.

Chief Justice hian nizan khan Lunglei thlengin, Lunglei DC mawhphurhna chelh mektu, Lawngtlai DC Dr A Muthamman leh judicial officer-te'n an lo dawngsawng. Chief Justice hi Gauhati High Court Aizawl Bench
aṭangin judge Michael Zothankhuma leh registrar T Guite ten an zui a ni.

Nizan khan sorkar officer-te leh mi pawi-mawh dangte nen inkâwmin, September 22-a thil thleng chung-chang leh a hnua thil tihchhiatte siam ṭha tura hna thawh dan leh tun thlenga thil awm dan an thlirho a; vawiinah Lunglei District Court building tihchhiat leh judicial quarters tihchhiatte leh siam ṭhat a nih dante a enfiah ang.