Eiruknaa fihlîm turin hmeichhiate an pawimawh - Vanlalawmpuii

MHIP, Hnahlan Block chuan nimin khan Hnah-lanah conference an hmang a, Mizoram State Commi-ssion for Women chairperson Vanlalawmpuii Chawngthu, MLA-in a hmanpui. Vanlalawmpuii chuan, "Eirukna lakah kan pasal-te an fihlîm theih nan Mizo hmeichhiate kan pawimawh hle a ni," a ti.

MSCW Chairperson chuan, "Hmeichhiate'n duh leh mamawh kan ngah lutuk chuan kan pasalte sual kawng dái tura nawrtuah kan ṭang palh thei a, sum lak luh milin nu berte kan khawsak thiam a pawimawh tak zet a ni," a ti a; khawtlang nun siamṭhat chu in chhungkhur aṭangin hmeichhiate'n bul an ṭan thei tih a sawi.

Vanlalawmpuii Chawng--thu chuan, nu awm lohna chhungkua chu a ruak a, nu-in hmangaih-naa chhungkua a enkawl chuan chhungkaw nuam a ni ṭhin tih sawiin, "Nu chu lehkha zir sang lo pawh ni se, dawhtheihna leh tumruhna nena a pasal leh fanaute a enkawl chuan chhungkaw hlawhtling a ni thei," a ti. Tunlaiah chuan mipa leh hmeichhiate'n inelna inang an hmachhawn tawh a, mipate aia hniam bika inngaihna dah boin, inelna chu thianghlim leh rinawm taka hmachhawn a ṭul thu a sawi bawk.

MHIP, Hnahlan Block hi October 19, 2010-ah din a ni a, MHIP branch 10 an awm mek. An conference-ah hian an huam chhunga bawhzui tur thu chi hrang hrang an rél a ni.