ZNP hun a rawn inher chhuak dawn - Duhoma

ZNP president Lalduhoma chuan, kum 2018 Assembly inthlanpuiah ZNP hun a inher chhuak dawn nia sawiin, "Kum 2018 inthlanpuiah ZNP tel loin tuma'n sorkarna an siam a rinawm loh," a ti.

Vangpui Operation tih vuaha Serchhip, Thenzawl leh Sialsuk khuate tlawha zin Lal-duhoma hian October 4 khan Serchhip-a cable TV-te'n an kawmnaah, "Kum 2018-ah hian ZNP chu a mala sor-karna siam ngei turin hmalak mek zel a ni a, a mala sorkarna kan siam thei dawn lo a nih chuan, tute nen emaw sorkarna kan siam ang," a ti a; ZNP tel loin party dangin sorkarna an siam loh tur thu a sawi.

ZNP President chuan, Mizoram pumah mite thinlung a inhawng hle nia sawiin, buh hmin sa an seng khawm mek zel niin a sawi a, "In-thlan hnuhnung ber kan en chuan, Mizoram pumah voter nuai khat zet kan hûm ve avangin ZNP hian sorkar turin emaw, sorkarnaa tel turin awmzia a nei pha a ni," a ti.