Bangladesh Minister leh Larsap inkâwm

Mizoram University-a international seminar chhim tura lo kal, Bangladesh minister of state for Water Resources Muhammad Nazrul chuan Thawhlehni tlai khan Raj Bhavan-ah Governor Lt.Gen. Nirbhay Sharma a kâwm.

Muhammad Nazrul chuan, Bangladesh Prime Minister-in lui kawngte hman ṭangkai a ngai pawimawh tih sawiin, "PM hian lui kawng hman ṭangkai hi project pawimawh ber zingah dahin, nasa taka hmalak mek a ni a; he project a puitlin hunah chuan heng lui kawng hmangin sumdawnna bakah zin mi te tan a ṭangkai hle dawn a ni," a ti.

Governor chuan, hmar-chhak bial leh Bang-ladesh hmasawnna a inzawm tlat thu sawiin, Bangladesh nena inkalpawhna leh insumdawn tawnna ṭha tak neih theih chuan ram pahnih tan a hlawkthlak tur thu Bangladesh Minister a hrilh.

Bangladesh Minister hi Bangladesh deputy high commissioner Zokey Ahad-in a ṭawiawm a ni.