Kawngpui siam phûtna poster tár

MNF party ṭhalaite chuan Mizoram hmun hrang hranga kawngpui chhiate siam ṭha tura sorkar phûtna poster eng emaw zat nimin khan Aizawl khawpui chhung-ah an tár.

MNYF chuan, Mizoram hmun hrang hranga National Highway leh khaw kár kawng dangte siam mumal loh, chhe rei lutuk leh fûr ruahtui tlak vang tia kum ruk chhung kawng chhiat chhan chhuanlama hmanga ṭhál laia kawng siam bawk si loa kan awm hi kan hrethiam thei tawh lo," an ti.

Ministry of Road Transport & Highway aṭangin Mizorama kawngpui-te siamna tura sum tam tak kum tin a lo kal tih sawiin, MNYF chuan, state budget-ah kum tin kawng thar siamna tur leh thawm
ṭhatna tur sum tam tak dah a ni. PMGSY, NABARD leh NEC aṭangte pawhin kawng siamna tur sum hmuh reng a ni chunga Mizoram kawngpui zawh tlak a awm mumal lo hi zah-thlak kan ti," an ti a; PWD changtu chief minister Lal Thanhawla pawh lam hla deuhah motor-a chuang peih loin helicopter hmang zelin a zin niin an sawi.

MNF ṭhalaite chuan, Lunglei, Lawngtlai, Siaha leh Chawngte panna kawngpuite a chhiat em em thu te; Champhai leh a chhehvel kalna kawng a chhiat nasat thu te; Aizawl-Tuirial kawng pawh a chhiat viau thute an sawi bawk.