Naupang ruang hmu kim

Ramthar Veng naupang pali, Theihai luia tuilianin October 4-a a lakte ruang chu hmuhkim a ni ta. Ruang hmuh hnuhnun ber Lalpekkimi (5) s/o Lalpekhlua ruang chu nimin chawhnu dar 2:30 vel khan Paikhai luiah hmuh ve leh a ni. Lalpekkimi hi nizan khan vui nghal a ni.

Tuilianin a lak dang Linda Lalhlimpuii (9) d/o Lalengtluanga chu an vanduai ni October 4 khan Chite luia World Bank road lei bulah hmuh a ni a, hemi zan hian mi tlawmngaiten ruang zawng chhunzawmin zanlai dar 1:30 velah World Bank road lei aṭanga km. 3 vela hla, lui mawng lamah Danny Lalhriatpuia (11) s/o Lalpekhlua ruang hmuh a ni leh a, Nilaini chhun dar 12:15 vel khan Nghafuan luiah Lalpekhlui (10) d/o Lallawmzuala ruang chu hmuh a ni ve leh a ni.

Lalpekkimi ruang hi Phaikhai lui atangin Chhimphei YMA Chawlhbukah lak a ni a, nizan dar 6:30 vel khan an in thlenpui a ni.

Ruang zawng hian veng hrang hrang atangin mi ṭhahnem tak ni tin an thawk chhuak ṭhin a ni.