Chawhmeh leh thil dang zawrhah ruahmanna ṭha zawk siam rel

Urban Development & Poverty Alleviation (UDPA) minister K Sapdanga hoin nimin khan a pisaah Aizawl khawpuia bazar hrang hrang chungchang sawiho a ni a; chawhmeh leh thil dang zawrhah ruahmanna ṭha zawk siam an rêl.

Ṭhutkhawmah hian Aizawla bazar, kawngpui sir leh lirthei hnunga chawhmeh leh thil zawrh dante sawiho a ni a, thil zawrh dante zirchianna (survey) mumal tak neih dan tur an ruahman a ni. Survey zawh hnuah Aizawl khawpui a felfai leh thianghlim zawkna atan ruahmanna felfai zawk siam a, chawhmeh leh thil dang zawrh dan chu mumal taka kalpui zel turin ruahman ṭha zawk siam ni se, an ti.

Meeting-ah hian Aizawl mayor Lalrinenga Sailo, Commerce & Industries secretary Dr Lalzirmawia Chhangte, UDPA secretary Lalmalsawma Pachuau leh official dang eng emaw zat an tel.