National Tribal Youth Festival nei mek

Social Welfare & Tribal Affairs department chuan April 8, Thawhlehni khan State Tribal Resource & Training Centre (STRTC) Kelsihah National Tribal Youth Festival an buatsaih ṭan a, chief secretary Khili Ram Meena-a'n a hawng.

National Tribal Youth Festival hi a vawi khatna niin, sorkar laipuia Ministry of Tribal Affairs puihnaa buatsaih a ni a, April 11, 2025 thleng a awh dawn. Mizo hnam ziarângte pho lan a ni a, Mizo Cultural Organization-in hnam hrang hrang lâm an entir ṭhin.

Festival hawnna inkhawmah hian Chief Secretary-in thu a sawi bakah SWTA secretary Lalzarmawii'n hawnna thuchah a sawi a; SWTA director Dr Lalhriatzuali Ralte chuan, Festival neihna hmun STRTC chu Tribal Research Institute (TRI 2.0) atana duan, tribal hnamte tihhmasawnna tur a nih thu a sawi.