Manipur aṭanga ui lak luh khap

Aizawl leh Serchhip district magistrate-te chuan hriattirna chhuahin, ui a hri (rabies) lêng laka him nan an district-ah Manipur aṭangin ui leh uisa lak luh khap a nih thu an puang a; thupek zawm lote chu BNS 2023 Section 223 hmanga hrem theih an nih thu an tarlang.

Magistrate-te chuan, ui vulhtute chu an ui vulhte hri danna (rabies vaccine) laktir vek tur te, khawlaiah a thlunna hrui nen lo chuan ui chhuahpui lo tur te, ui zun leh êk hnutchhiah lo tur leh midang tana hnawksak zawnga ui vulh lo turtein an hriattir.

Ui khuahkhirh lohin mi a seh chuan dan hmangin ui neitu thla 6 chhung tàntir leh Rs 5,000 thleng chawitir theih a nih thu Magistrate-te chuan an tarlang bawk.