Duhoma'n enfiah

Assembly-a opposition group leader Lalduhoma chuan nimin khan a bial chhunga khaw ṭhenkhat tlawhin, Covid-19 donaa district level leh local level task force-te a tlawh kual a, ṭanpuina eng emaw zat a hlan.

Lalduhoma chuan Serchhip District Level Task Force on Covid 19-a hruaitute hmuin, kutkawr, hmai tuamna leh kut silna (hand sanitizer) eng emaw zat a pe a;  a bial chhung khaw hrang hranga village task forcete hnenah Rs. 10,000 ṭheuh a pe tawh a ni. Lalduhoma chuan, Mat phai/Zawlpui phaia zîkhlum hralh a nih theih nan hma a la a,  nimin khan Zawlpuia zîkhlum thar zinga truck trip 15 chu Aizawl lamah phurh a ni.