MBOCWWB-in chhawmdawl dawn

Covid-19 léng vanga in sa leh hna thawktu inhlawhfa ṭhin harsatna tâwk mekte chu Labour, Employment, Skill Development & Entrepreneurship (LESDE) department hnuaia Mizoram Building & Other Construction Worker Welfare Board (MBOCWWB) chuan chhawmdawlna an pek dawn thu nimin khan an puang. Chhawmdawl dan turah hian ruahmanna hrang hrang siam a ni a, Covid-19 léng vanga hnathawk/ inhlawhfate chunga zahngaihna lantir tur leh, an hlawhte pe zel turin hlawhfa ruaitute an ngen nghal a ni

MBOCWWB TIH TUMTE 

• MBOCWWB-a inziak lut hnathawktu (labour)-te chhawmdawlna tur leh a ṭul anga sorkarin hriléng mek a do nan Welfare Board sum hman.

 • Welfare Board hnuaia inziak lutte hnenah FCSCA department kaltlangin thla khat ration a thlawna pek.

 • Hna thawktu harsatna tâwk mek, Welfare Board-a inziak lut lo AAY leh BPL-te hnenah FCSCA department kaltlangin thla khat ration a thlawna pek.

 • Welfare Board hnuaia December 2019 chin hma lama member ni tawhte tan direct benefit bank transfer hmangin Rs. 3,000 pek.