Covid-19 do nan ṭanpuina pe

Covid-19 dona atan kohhran, pawl leh mimal ṭhahnemngaite an che chhuak mek zel a, sum leh thil danga ṭanpuina pe ṭhahnem tak an awm tawh.

Ṭanpuina petute kan tarlang vek séng lo a, ṭanp uin a petu ṭhenkhatte tarlan a ni. RIPANS Staff Welfare Association member-te chuan coronavirus do nan sum an thawh khawm leh Rajya Sabha MP-in IMA Mizoram State Branch-a pawisa a pek aṭanga Pharmacy department-in hand sanitizer litre 200 an siam chu nimin khan  Aizawla hmun hrang hranga local task force te, ZMC, damdawi-inte leh police hmun ṭhenkhatah an pe. Lalṭanpuia, Chanmari, Aizawl chuan Aizawla local task force 14 hnenah an venga chhuanchhamte chhawmdawl nan ṭanpuina sum Rs. 20,000 ṭheuh a pe a, a vaiin Rs. 2,80,000 a ni.

Mamit Presbyterian Kohhran chuan Mamit District Hospital tan Rs. 20,000, Venghlun local task force tan Rs. 10,000 leh Hmarveng leh Bazar Veng local task force tan Rs. 5,000 ve ve an pe.

Evangelical Church of Maraland-in Siaha District Level Task Force chairman Bhupesh Chaudhary hnenah Rs. 50,000 an hlân.

Mizoram hmun hrang hrangah kohhran hmunpui leh tualchhung kohhran te, kohhran ṭhalai pawl anga ṭanpuina pe eng emaw zat an awm bawk. Mizoram Tottenham Hotspur Fans Club chuan Khawzawl District Task Force hnenah Rs. 25,000 an pe bawk a ni.