Chite lui thenfai hnatlang

UPC (NEI) Aizawl East District PYD hnuaia Environment Protection Committee chuan nimin khan UDPA department leh Aizawl Forest Division bultumin Chite lui thenfai hnatlang an nei a; Bethlehem Vengthlanga Chite kâiah AED PYD president Pastor J Lalhmingsanga'n hawngin, Aizawl DFO Lalnunsanga Khawlhring-in thu a sawi.

Hnatlangah hian Aizawla AED pastor bial hrang hrang aṭangin PYD member 200 vel an thawk chhuak a, bawlhhlawh ip (garbage bag) 245 chhar khawmin, AMC bawlhhlawh paih motor hmangin a paihna tur hmunah paih a ni.