Exhibition & Project Competition buatsaih

State Council of Educational Research and Training (SCERT), Mizoram chuan April 8-9, 2025 chhung khan an conference hall-ah INSPIRE Awards MANAK dawngtute tan Exhibition and Project Competition & Mentoring Workshop an buatsaih.

April 9 khan Exhibition and Project Competition & Mentoring Workshop khârna inkhawm buatsaih a ni a, SCERT director Caroline Zoramthangi'n hmanpuiin, intihsiaknaa tel zirlaite chu ram pum huapa lan phâk ngei tuma theihtawp chhuah turin a fuih.

Exhibition and Project Competition-ah hian award dawngtu zirlai panga - Hmangaihsangi, class-VIII, Neuhof English Medium School, Aizawl; Timothy Vanlalhmangaihsanga, class-VIII, St. Maria M/S, Kolasib district; Miriam Lalduhawmi, class-IX, Lal Thanhawla H/S, Serkhan; Lalrinmawia, class-IX, Lal Thanhawla H/S, Serkhan leh, Joel Lalruatkima Mualchin, class-VI, Don Bosco School, Lawngtlai ten an model siam an entir a ni. Mi pangate hi national level Exhibition and Project Competition-ah an tel leh ang.

INSPIRE Awards MANAK atan hian SCERT chu state nodal office a ni a, kum 2010 aṭangin an lo buaipui tawh a ni.