Hman khat daih sarâng tihbo chungchang zirhona buatsaih

Mizoram Pollution Control Board (MPCB) leh Directorate of Women & Child Development (WCD) chuan April 9, Nilaini khan IPR Auditorium-ah Poshan Pakhwada 2025 pualin hman khat daih sarâng (plastic) tihbo chungchang inzirtirna an buatsaih a, Aizawla college leh higher secondary school zirlaite an tel.

Workshop on Elimination of Single Use Plastics hi MPCB environmental engineer PC Lalmuanpuii'n a kaihruai a, MPCB chairman Liankima Lailung leh WCD joint director Zonunpari Sailo ten thu an sawi.

MPCB programme officer Benjamin Lalnunsanga Colney leh assistant environmental engineer Fabian Ramthansanga ten thil pawimawh an zirtir a; thirsakawra India ram fang chhuaktu Vanlallawmzuala Varte kaihhruaiin Mission LiFE thutiam sawi rual a ni bawk.

Poshan Pakhwada (Nutrition Fortnight) hi kum 2018-a Prime Minister-in Poshan Abhiyaan (National Nutrition Mission) a hawn hnuah kum tin March leh April-ah hman ṭhin a ni a, tun ṭum hi a vawi sarihna a ni. Kuminah hian April 8-22, 2025 chhung hman a ni ang.