KHAWTHLIR

Ngaizel kawng khâr

Ngaizel kawng chhak lam aṭanga lung tla a awm avang leh tla leh mai thei a awma hriat a nih avangin Azawl SP Rex Zarzoliana Vanchhawng chuan Kulikawn leh Saikhamakawn inkar kawng chu April 10, Ningani zan dar 7:30 aṭanga thu leh awm hma zawng khâr tur a nih thu a puang.

Sorkarin râlna hlan

Disaster Management & Rehabilitation minister Prof. Lalnilawma leh Aizawl South-III bialtu MLA Baryl Vanneihsangi Tlau te chuan April 10, Ningani tlaia Ngaizela lung tlain a delh vanga thi Lalbiakdika, Tachhip chhungte hnenah nimin khan Mizoram sorkarin a ràlna Rs 4,00,000 an hlan.

Hindi College jubilee

Mizoram Hindi Training College (MHTC) chuan nimin zing khan Durtlang North-a an college-ah golden jubillee an lawm a, an principal Dr Marina Lalthlamuani'n hawngin, jubilee pualin zirlaite'n rally an nei. MHTC hi kum 1975 khan Mizoram sorkar leh Central Institute of Hindi, Agra ten an din a; tunah hian kum hnih course pathum - Hindi Shikshan Parangat, Hindi Shikshan Praveen leh Hindi Shikshan Diploma te a awm a ni.

MESL inkhawmpui

Mizoram Ex-Services League chuan April 10, Ningani khan Aizawl Club Park-ah General Assembly an hmang a, Mizoram hmun hrang hrang aṭangin sipai pension mi ṭhahnem tak an tel. Kum 2025-2027 chhunga an pawl hruaitu tur an thlang a, president-ah Lt.Col. Clement Lalhmingthanga, MLA an thlang. Clement Lalhmingthanga chuan, Chief Minister hmalaknain Mizoramah Territorial Army din thuai a nih tur thu a sawi.