Ṭanpuina dawn mi dang tan hlan; YMA kaihhruaiin in sak a ni

Joseph Lalhlimpuia, Sakawrdai Vengpui chuan Pradhan Mantri Awas Yojana - Gramin (PMAY-G) aṭanga in sak ṭanpuina a dawn chu mi dang tan an hlan a, chumi hmang chuan Sakawrdai Joint YMA-in a mamawhtute in an saksak.

Sakawrkdai Joint YMA tarlan danin, Joseph Lalhlimpuia hian in an neih tawh avangin sorkar aṭanga pawisa a dawn chu in sak mamawh zawkte tan hlan a duh a, hma laksak tura Joint YMA ngenin, pawisa pawh YMA hnenah a hlan a ni. Joint YMA chuan in saksak tur chhungkua thlangin, in an sak­sak a, an huam chhung­a YMA branch-te inchhawk­in an hnatlang ṭhin.

In saksakte chu a ban cement concrete-a chhûnna tur Sinlung Hills Council executive member Melody Lalchhuangzeli'n a tum a, bialtu MLA Lalchhandama Ralte-in in chung tur rangva a tum bawk.

In chu sak zawh a ni tawh a, April 12, Inrinni zing khan kohhran leh YMA hruaitute'n hawngin, a neitu turte hnenah an hlan a ni.