Lirthei dan bawhchhiate aṭangin kum 1 chhungin cheng nuai 138.12 hmu

Aizawl District Transport Office (DTO) enforcement staff-te chuan sorkar kum liam ta 2024-25 chhung khan lirthei dan bawhchhiate pawisa chawi tling khawm aṭangin cheng nuai 138.12 an hmu.

Lirthei dan bawhchhia a hmuna sum chawi tur nei lo emaw, tlan tlang lui, an lirthei number an chhinchhiahte chu e-challan hmangin sum chawitir ṭhin an ni a; sum an chawi hma chuan Transport department hian an lirthei document-te an tihthih lailawksak ṭhin.

Lirthei hrang hrang zingah bungraw phurhna atana hman light goods vehicle chu dan bawhchhia man tam ber niin, kum khat chhung hian 1,067 an man a; a dawtah maxicab niin, 745 an man. Document fel lo bakah, phurh theih zat aia tam phur leh an phurh loh tur phur an man ber a ni.