END-in thla thum chhungin Heroin kg. 15.192 an man

Excise & Narcotics department (END) chuan kumin January aṭanga March thleng khan heroin kg. 15.192 an man a, rakzu litre 18,013.980 leh sapzu 5,924 an man bawk.

END tarlan danin, January-March, 2025 chhung khan END hian heroin kg. 15.192 bakah ruihhlo dang tam tham tak an man a, chu'ng zingah chuan methamphetamine kg 44.111 a tel. Ruihhlo man kaihhnawihah mi 1,878 an man a, lirthei 43 an man tel bawk.

Kumin thla thum chhungin END hian rakzu litre 18,013.980 leh sapzu ûm chi hrang hrang 5,924 an man a, BEDC (Myanmar zu) litre 462.200, beer leh zu siamna dawidim tam tham tak an man bakah, zu bilh lai ṭín 52,198 an tichhia a ni.