Chief Minister leh Tribal Affairs hotu inkâwm

Chief minister Lalduhoma chuan April 11, 2025 khan a pisaah National Scheduled Tribes Finance & Development Corporation chairman & managing director T Roumuan Paite, Ministry of Tribal Affairs joint secretary ni bawk a kâwm.

CM Lalduhoma chuan, National Scheduled Tribes Finance & Development Corporation hnuaia hamṭhatna awmte chu Mizoram sorkarin a tam thei ang ber hnuh chhuah a duh thu a sawi a; Mizorama hmalakna zau zawk nei tura an rawn zin avanga a lawm thu T Roumuan a lo hrilh.

T Roumuan Paite chuan, National Scheduled Tribes Finance & Development Corporation leh Ministry of Tribal Affairs kaltlanga Mizoramin hma a lak theihna chi tinrengah theihtawp chhuaha Mizoram tan hna an thawh tur thu a sawi a; an hmalak dan tlangpui a hrilhfiah bawk.

Chief Minister hi Tourism minister Lalnghinglova Hmar leh director R Lalrodingi ten an ṭawiawm a ni.