Zokhawtharah meth kg. 52.67 man

Directorate of Revenue Intelligence (DRI) mite chuan April 11, 2025 zan khan Zokhawtharah methamphetamine kg. 52.67 an man.

Ministry of Finance tarlan danin, DRI hian Nagaland registration nei truck pakhat chu Zokhawtharah an endik a, methamphetamine ni ngeia hriat fûn 53 an hmu chhuak. NDPS field test kit hmanga endik a nih hnuah meth a ni tih finfiah a ni.

Truck hian Meghalaya aṭangin Champhaiah cement a dah a, chumi hnuah Zokhawthar panin, Myanmar aṭanga Zokhawthara lak luh meth kg. 52.67 phurin, Tripura panpui an tum laiin man a ni. Truck driver leh handyman man nghal an ni a, NDPS Act, 1985 tlawhchhanin thubuai ziahluh a ni.

Methamphetamine man kaihhnawih thilte chu DRI mite hian an chhui zui mek bawk.