MZU-ah Ambedkar pian champha hmang

Mizoram University-a National Service Scheme (NSS), Nehru Yuva Kendra Sangathan (NYKS) leh Sports & Youth Services department-te chuan nimin khan MZU campus-ah Dr BR Ambedkar pian champha pualin hun an hmang a, Lunglei High Powered Committee vice chairman V Malsawmtluanga, MLA khuallian a ni.

V Malsawmtluanga chuan, India Constitution duangtu Dr BR Ambedkar-a hnathawh ropui tak takte chu hre reng turin kal khawmte a chah a; NSS leh NYKS hmanga khawtlang hmansawnna tura ṭhalaite hnathawh chu a ngaihhlut thu sawiin, ram leh hnam hmasawnna atana voluntary work a pawimawh thu a sawi.

Dr BR Ambedkar pian champha pual hian MZU campus-ah kawngzawh huaihawt a ni a, an au rual bakah, India Constitution Preamble sawi rual a ni.