Champhaiah Fire Service/Martyrs' Day

Champhai Fire Station chuan nimin khan an hmunah Fire Service Day leh Martyrs' Day an hmang. Champhai FS hi kum April 1, 2024 aṭanga March 31, 2025 chhung khan kâng ṭhelhin ṭum 19 an che chhuak a, kuminah January aṭanga nimin thleng khan ṭum 15 an che chhuak tawh.

Fire Service Day leh Martyrs' Day hmannah hian kum 2024 chhunga kâng ṭhelhnaa thi kângṭhelh pawl mi 20-te sûnna hun hman a ni a; April 14-20 chhunga neih tur Fire Service Week hman ṭan nghal a ni bawk.

Sorkar thuchhuah tarlan danin, April 1, 2024 aṭanga March 31, 2025 chhung khan Champhai FS hian fire call vawi 19 an dawng a; in, thlâm leh electric kâng vangin vawi li leh chenna in tana hlauhawma dâi hnai kâng kaihhnawihah vawi 15 an che chhuak. Champhaia kum 2024-25 chhunga kângmei chhuak vanga bungraw kâng ral hlut zawng chu Rs 1,634,450 a ni.

Kumin 2025 bikah January aṭanga nimin thleng khan Champhai FS hi kang ṭhelhin ṭum 15 an che chhuak tawh bawk.

Champhai FS officer F Lalchhandama chuan, tunlaiin khua a ṭhâl avangin kângmei laka fimkhur turin mipui a ngen a; kângmei a chhuahin Champhai FS phone number 03831 234026/7628029288-ahte hriattir vat turin mipui a chah a ni.