MLA-te'n Wayside Restaurant enfiah

Mizoram Legislative Assembly hnuaia Committee on Government Assurances chuan nimin khan Ṭawipui South khaw daia Tourism department hnuaia sak Wayside Restaurant an enfiah. Restaurant hi hun rei tak enkawl zui lohin a awm a, a ram rawh a ni.

Wayside Restaurant tlawhnaah hian Committee on Government Assurances chairman V Malsawmtluanga hoin member pathum - TBC Lalvenchhunga, K Hrahmo leh Lalramliana Papuia te an kal a; Mizoram Legislative Assembly Secretariat, Tourism department, Public Works department leh Information & Public Relations department hotute an tel bawk.

Committee hian an thil hmuhte chu vawiin hian Lunglei High Powered Committee conference room-ah an thlirho nghal dawn a; an zirchianna aṭanga rawtna an neihte hmangin report an siam dawn a ni.