Sorkar hotute'n Covid-19 sawiho

Chief secretary Lalnunmawia Chuaungo hoin March 28, Inrinni khan CS Conference Hall-ah sorkar hotute'n Covid-19 vanga inkhàrkhipna kalpui mek leh mipui ni tin mamawh phuhru tura hmalaknate an thlir a, harsatna sukiang tura ruahmanna leh rawtnate an sawiho.

Meeting-ah hian, ni tin mamawh bungraw sem darh chungchang, Aizawl khawpuia bawlhhlawh paih chungchang leh ran chaw leh damdawi dawr inhawn chungchangte an sawiho a; sorkarin thei leh thlai thar sem darhna tur ruahmanna a siam chu khaihlak loa a kal theih nan Horticulture leh Commerce & Industries department leh MIZOFED thawhho dan leh local level task force-te nena an thawhho dante sawi a ni. Mizoram páwna Mizo eng emaw zat tangkhang chungchang an sawi a; Mizoram House-te'n an theih ang angin an ṭanpui a, Mizo welfare-te pawhin a ṭul anga an buaipui thu sawi a ni.