Court kar khat châwl dawn

Gauhati High Court hnuaia Court hrang hrangte chu October 10, 2016 aṭang hian chawlhkar khat chhung an châwl dawn.

Thu dawn danin, Court-te hi kum khat chhungin a tlem berah ni 216 chhung a kal (function) tur a ni a, a tam lamah erawh bituk a awm lo. An kal hun tur aia tam kal ṭum pawh an nei ṭhin a, an kal hun tur pêl loin, thil pawimawh hrang hrang tihna hun atan an châwl ṭhin.

Court an chawlh dawn avangin Aizawl District & Session Court-a Chief Judicial Magistrate chu nimin khan Central Jail-ah kalin, camp court a nei. Court chawlh chhung hian Police leh Excise & Narcotics-te'n an mante hruaina tur ruahman a ni.