Intodelh turin hma kan la dawn - Zorama

MNF president Zoramthanga chuan nimin khan Mizo Hnam Runa inkhawmah BJP hruaitu
ṭhenkhatte MNF-ah an lawm lut a; thu sawiin, MNF an sorkar hunah lei hnuai hausakna, tuialhthei leh boruak alh thei leh lei chung hausakna hâi chhuakin, ei leh barah intodelh ngei tura hma an lak dawn thu a sawi.

Zoramthanga chuan, Mizoramah leileta siam theih ram hectare 70,000 chuang a la awm nia sawiin, "Heng atang hian Delhi buhfai ring loin kan intodelh thei dawn. Mizoram hi lehkha thiam rual awm khawmna ram, ṭawng khat hmang leh sakhaw khat bia, ram rálmuang kan ni. Pathianin rem a tih chuan kan sorkar leh ngei ang a, mi tam tak mak tih khawpin kan ram hausakna kan hai chhuak dawn," a ti.

MNF thuchhuah tarlan danin, Mizoram BJP hruaitu, MNF-a an lawm luhte zingah general sec-retary Lianhmingthanga a tel.