KHAWTHLIR

Award dawng

Mizoram University-a Physics department-a Ph.D ti mek H Lalremruata s/o H Doṭhuama, Chhinga Veng chuan October 4-6, 2016 chhunga Jharkhand Central University, Ranchi-a National Conference on Nuclear and Accelerator Physics (NCNAP -2016) Center for Applied Physics-ah Best Poster Presentation Award a dawng.

Tlân khap

Champhai DC chuan thupek chhuahin, Champhai district-a kawngpuite chu hmun tam taka a chhiat avangin, an district huam chhungah mipui mamawh phur ni lo lirthei ke paruk aia tam nei tlan a khap. Thupek hian thla hnih chhung a huam ang.

Seminar khâr

Research Sentre for Eastern & North Eastern Regional Studies, Kolkata (CENERS-K) leh Mizoram University ṭangkawpin October 5, 2016 aṭanga MZU-a 'International seminar on Mizoram, Gateway to SE Asia? What needs to be done?’ tih chu Ningani tlai khan khâr a ni a; khârna inkhawm hi Governor Lt.Gen. Nirbhay Sharma-a'n a hmanpui.

Footballer thi

Lalhminghlua (19), Thingsai chu nimin tlai khan Shillong-ah motor-a chetsualnaah a thi. Thu dawn danin, Lalhminghlua hi Shillong Lajong Foorball Club-a khel a ni a, Ningani zan khan a chuanna bike leh motor an insû a, NEIGhRIMS damdawi-ina lak a nih hnuah a hliam tuar loin nimin khan a thi a ni.

KTP free clinic

KṬP Venghnuai branch chuan an kum 60-na, diamond jubilee lawm nan AYUSH department nen ṭang dunin nimin khan an kohhran sunday school hall-ah a thlawna inentirna an buatsaih a, mi ṭhahnem tak an inentir a, a thlawnin damdawi an sem a ni.