State Level Science Drama Competition

State Council of Edu-cational Research and Training (SCERT) chuan nimin khan Chanmari YMA Hall-ah 6th. State Level Science Drama Competition an buatsaih a, parliamentary secretary (Edu-cation) Joseph Lalhim-puia'n a hmanpui.

Joseph Lalhimpuia chuan, hnam changkang, hmasawn, fing leh upa apiangin lemchan an ngai pawimawh tih sawiin, "Drama hi mihring nun chhoh dan chhinchhiahna leh historical document pawi-mawh tak a ni. ‘Science and Society’ behchhana lemchan intihsiakna hian Mizo khaw-tlang nun atan a zirtirna pawimawh tak a chhawp-chhuak a ni," a ti.

Science leh mathematics lama Mizoramin hma a sawn theih nan sorkar hmalaknain science leh mathematics zirtirna DDK leh internet kaltlangin tihchhuah a nih tur thu sawiin, Lalhimpuia chuan, TV leh internet kaltlanga zirtirna chuan science leh mathematics zirtirtu nei mumal lo zirlaite tan hma-sawnna a thlen ngei a beisei thu a sawi bawk.

Science Drama Com-petition 2016-ah hian Mamawii High School pakhatna an ni a, anni North East Zone intihsiakna, Guw-ahati-a neih turah Mizoram ai an awh dawn. North East Zone-a ti ṭha pahnihte chu national level competition-ah an tel leh ang.