Fai lawmman sem

Nimin khan Mizoram hmun hrang hrangah Faina Hapta, 2016 khârna inkhawm hman a ni a; Hapta chhunga inelna buatsaih hrang hranga ti ṭhate hnenah lawmman hlan a ni.

Champhaiah chuan veng fai berah Zotlang leh sorkar pisa fai berah SDEO pisa thlan a ni. Siaha-ah veng fai berah Meisavaih ‘W’, zirna inah DIET, sikulah Meisavaih ’E’ P/S-I, pisaah District Jail-te thlan a ni.

Serchhipa fai thlannaah, khua/vengah Chhiah-tlang, sikulah Chhiah-tlang P/S-III, pisaah Soil & Water Conservation pisate thlan a ni. Lawngtlaiah SP pisa, Model English School, Lawngtlai Vengpui-te fai berah thlan an ni a; Mamitah chuan Chhimveng, Mamit M/S-III leh New Diamond School-te faina lamah pakhatna an ni.