MNYF-in cheng nuai 1242 awmna zawt

MNF general headquarters ṭhalai president K Vanlalvena leh Mamit Block MNF ṭhalai hruaitute'n nimin khan Mamita IPR Conference Hall-ah press conference an nei a; Mamit panna kawngpui, National Highway-44(A) siamna tur sum nuai 1242 awmna sawi turin sorkar a phût.

MNYF President sawi danin, NH-44(A) chu Sairang Sihhmui péng aṭanga Tripura ramri thleng niin, km 130 vela thui a ni a, Mizoram PWD hnuaia National Highway Division-I enkawl a ni.

NH-44(A) thawm ṭhat nan Mizoram sorkar-in Central aṭangin kum 2012-2016 chhungin cheng nuai 247 a hmu a, tuilian emaw ruahtui tla vanga kawng chhia siam nan kum 2012-2016 chhungin cheng nuaih 103.6, metal road leh blacktop ṭha lo lai siam nan cheng nuai 891.7 a hmu bawk. Aizawl-Mamit kawngpui km. 130-a thui thawm ṭhat nan kum li chhungin Mizoram sorkarin sorkar laipui
aṭanga cheng nuai 1242.3 an hmu a ni.

Aizawl-Mamit kawng-pui thawm ṭhat nan Mizoram sorkarin kum li chhungin cheng nuai 1242.3 a hmu chung-
in kawngpui chu a chhe em em reng nia sawiin, Van-lalvena chuan, "Sum hi a nihna tur takah hman ni se chuan Aizawl leh Mamit inkar hi rei lo te chhunga thlen zung zung tur a ni," a ti. Nuai 1242.3 awm chunga Mamit panna kawng chhe lutuk chu eirukna lian tak a inphûm ngeia an ngaih thu a sawi.